PASCALNET chercha daus benvolents ! L'assó venant de naissèr, n'i a enquèra tot de faire. Gis de competença en informatica o autre z-es requesida per chascuna de las comessions, que volèm mai que mai la badadura la mai granda e l'educacion populari. En resumat, venetz aprendre de chausas tot en nos ajudant !
Vequí un veire de las diferentas comessions:
En aquesta comession, siretz format per formar los autres ! D'esfeit, volèm organisar daus obradors relatius embei nòstres servicis. Per exemple un obrador creacion de blòg persó, o enquèra l'utilizacion de matrix, los bons biais per navigar per internet, eca... E quau sap, benliau qu'avetz una propausicion interessanta de botar en plaça !
Nòstres servicis devon èsser documentats per permetre a quau que siá d'os utilizar aisament e embei le mens de problèmes. Quo-es per quo que le nòstre wiki z-es fondamentau ! Dins aquesta comession, ajudaretz a la documentacion de nòstres servicis, e a la carculada de lhur accessibilitat.
PASCALNET z-a le besoenh de se faire coneitre ! Venetz nos ajudar de'n faire la promocion embei aquesta comession.
Per surat, los servicis que propausèm se devon d'èsser mantenguts e daus novèls devon èsser botats en plaça. Vequí l'òbra d'aquesta comession ! Quo-es le cuer de l'associacion.
Ben que gis de competença siá requesida per lai accedar coma ditz davant, aquesta comession tochant embei de chausas un pauc sensiblas, vos faudrà èsser valida·t·da per le CA per lai entrar e sinhar una charta.
Per surat, le CA, organa de coordinacion de l'assó. Per ne'n èsser, se fau se presentar en AG. Dedins nos besunhèm de la securitat daus servicis e de l'administratiu.